PREJ ZGJIMIT NË ZGJIM, POEZI NGA MEXHID YVEJSI, GJAKOVË

PREJ ZGJIMIT NË ZGJIM



( Myderrizit -

haxhi mulla Sherif ef. Ahmeti )

(1920-1998)



Në përvjetorin e dhjetë –

në jetën e vërtetë



Prej zgjimit në zgjim

Dhjetë vite në amshim.



Kur gjithçka ishte duke u kalbur

Kosovës fytyrën ia ke zbardhur.



Idhujt e vjetër kurrë s’të trembën

Idhujt e rinj para syve t’u shembën.



Kur të tjerët flinin – ti ishe zgjuar

Si Hëna e Re - përherë e praruar.



Kah vetëvetja kur u ktheve

Shkëndij’e Diellit përmes reve.



Lidhe brigje përmes urës

Që mos dalim jashtë lëkurës.



Gjuhën amtare e pasurove

Fjalën e All-llahut e lartësove.



Fjalën e shkruar e mbolle si bimë

Që me te ta ushqejmë urtësinë.



Se me urtësi kuptohet e Vërteta

Se pa ate s’ka kuptim as jeta.



All-llahut i lutemi të mëshiroi

Me Ujin e Keutherit të bekoi…



Mexhid YVEJSI, Gjakovë