Jepni lëngje fëmijës tuaj
13/06/2009 00:15
Temperaturat e larta të cilat tashmë kanë filluar dhe pritet të rriten shumë më tepër gjatë verës, janë të rrezikshme sidomos për fëmijët, të cilët duke luajtur harrojnë të pinë sasi të mjaftueshme të ujit dhe mund të dehidrohen.
Për të shmangur dehidrimin (humbjen e lëngjeve) e fëmijës tuaj, kujdesuni që ai të pijë lëngje, sidomos ujë të zakonshëm, dhe do të ishte mirë sikur fëmija gjithmonë të ketë me vete një shishe me ujë.
Ndërsa kur ta ushqeni, shmangni ushqimet e rënda dhe ëmbëlsirat dhe jepni lloje të ndryshme ushqimi, pasi që, përveç ujit, fëmijën tuaj do ta shpëtoni nga dehidrimi nëse i jepni pemë.
———
Back